viernes, 29 de octubre de 2010

Pablo García: «É comprensible a crítica do PSOE de Silleda pero debémonos ao partido»


El secretario de Organización del PSdeG-PSOE, Pablo García, recordó ayer las pautas del partido pero no avivó más el fuego después de las críticas del PSOE de Silleda al apoyo al regidor tránsfuga de Benidorm para encabezar la lista en las próximas elecciones. «É entendible a postura de Silleda, porque sufriron o lado peor do que foi o transfuguismo. É normal que o critique. A nós o apoio non foi unha decisión que nos gustara pero, en todo caso, nos debemos ao partido e polo tanto temos que asumir as decisións que se toman democráticamente», manifestó ayer el número dos del PSOE gallego.

García indicó que entiende que la decisión tomada por el comité federal del PSOE «levante máis enfado» en lugares como Silleda, Mos o Gondomar, puesto que «a nadie lle gustou a decisión». Señala que en estos puntos el acuerdo genera especial sensibilidad puesto que fue donde más directamente padecieron los casos de transfuguismo, por lo tanto entiende la crítica y la enmarca dentro de las especiales circunstancias que llevan a generar una especial sensibilidad. «Foi unha decisión que Galicia non a votou, porque se votaban todos os candidatos non caso por caso. Entón queda totalmente clara a nosa postura», aseguró, para luego volver a remarcar que «o partido galego sempre vai aceptar as decisión que se toman democráticamente» a nivel de formación.

El secretario de Organización del PSdeG, Pablo García, también lanzó mensajes al responsable del Partido Popular de Silleda. Recordó, una vez más, que el PP ya rompió el pacto antitransfuguismo en numerosas ocasiones, caso de las mociones de censura que se llevaron a cabo en la provincia de Pontevedra, por lo que ahora no pueden escudarse en la decisión socialista para incluir a tránsfugas en su lista. «Esto é coma se os paxaros se tiraran as escopetas. É innegable que foi o PP quen rompeu o pacto antitransfuguismo. Quen rompeu foi Louzán e os tránsfugas aquí en Silleda», manifestó el número dos socialistas.

La Voz de Galicia, 29/10/2010

O PSdeG presentará a próxima semana un pacto antitransfuguismo galego

Vázquez lembrou dende a chegada de Feijóo ao Goberno aconteceron 5 mocións de censura con tránsfugas, que teñen presente como denominador común a Feijóo

O Secretario Xeral do PSdeG, Pachi Vázquez anunciou que a próxima semana presentará ás formacións políticas galegas un Pacto Antitransfuguismo Galego para asinar un compromiso ético coa sociedade galega e comprometernos a non levar tránsfugas nas listas das próximas eleccións municipais.

Vázquez indicou que neste Pacto non se dependerá de Madrid nin de nadie, e “veremos quen o firma, quen o apoia e quen non o apoia”, e engadiu que calquera outra desculpa é de mal pagador e se Feijóo non o firma “nunca máis poderá volver mirar os ollos dos galegos dicindo que el representa a ética neste país”.

O líder dos socialistas galegos afirmou non saír do seu “estupor” ante as declaracións de Feijóo sobre transfuguismo, xa que “o Presidente que chegou cabalgando a lomos da ética” onte anuncia que nos concellos vai levar tránsfugas pero que vai tentar que non vaian ao Parlamento.

Lembrou ademais que dende que chegou Feijóo ao Goberno aconteceron cinco mocións de censura con tránsfugas, cuxos principais autores son Louzán, Baltar e Barreiro, pero que teñen presente como denominador común a Feijóo.

En resposta a preguntas polos xornalistas afirmou que “o transfuguismo está na esencia do poder do Partido Popular en Galicia”, que “viven do transfuguismo”, e que compran tránsfugas co diñeiro da Deputación de Pontevedra. “Feijóo é a alma mater do transfuguismo neste país”, agregou.

lunes, 25 de octubre de 2010

Os socialistas, críticos cos orzamentos da Xunta para Pontecesures

[Nota de prensa íntegra enviada ós medios o 25 de ouubro de 2010]

O secretario xeral do PsdeG-PSOE en Pontecesures, Roque Araújo, opina que a ausencia nos orzamentos da Xunta de actuacións na vila supón a confirmación do que o goberno de Feijoo ten pensado para o concello, a marxinación e o ostracismo.
Unha das intervencións máis importantes para Pontecesures e que non contará con ningunha partida orzamentaria é a remodelación da zona portuaria. É preciso lembrar que no anterior goberno bipartito da Xunta xa se contemplou esta actuación valorada en casi catro millóns de euros, e que posteriormente, xa co PP no goberno galego, o director de Portos de Galicia, Manuel Alvarez-Campana, decideu descartalo, en marzo deste ano, para presentar un novo proxecto, de máis de cinco millóns de euros por que o anterior era “pouco ambicioso” e “non cumplía os parámetros de calidade estética”. Un proxecto avalado tamén polo diputado do PP Jesús Goldar, que asegurou que o proxecto de reforma integral da fachada marítima estaba “moi en marcha e o presidente de Portos ten a vontade de facelo. Será unha obra espectacular”.
En abril deste ano, os Socialistas de Pontecesures, a través da diputada Carmen Cajide presentaron unha pregunta no Parlamento galego para coñecer as partidas adicadas a esta nova remodelación. A resposta chega agora, é como temiamos é do máis desalentadora: a obra non se fará, uníndose a paralización de obras públicas da Xunta de Feijoo, que supón unha caída do 36% do volume de inversión en Galicia.
Resulta lamentable que o tripartito de Pontecesures fora, unha vez máis, ninguneado polo goberno “amigo” da Xunta do PP. Agardamos que no futuro, os representantes do PP que veñan a Pontecesures, traían consigo propostas serias e non volvan enganar os nosos veciños e veciñas.

jueves, 21 de octubre de 2010

O gran "campanazo"

Víase vir. Primeiro foi o a falta de mantemento e limpeza das instalacións portuarias de Pontecesures; logo o concerto que nunca foi; despois a instalación dun pantalán que non por necesario, xa soaba a pequena limosna e a excusa polo que iba a pasar agora… o gran campanazo!. Que foi daquel grande investimento que o "goberno amigo" da Xunta de Galicia iba facer en Pontecesures? Falouse de cinco millóns de euros de orzamento. Aquí veu o Presidente de Portos de Galicia, Manuel Álvarez-Campana a presumir de novo proxecto, despreciando ao que xa estaba redactado por ser "pouco ambicioso"; falou incluso o deputado autonómico Jesús Goldar confirmando a realización das obras…
Nada queda de todo eso, fume. O pasado 11 de maio, os Socialistas de Pontecesures presentaron unha pregunta no Parlamento de Galicia a través da diputada Carmen Cajide para coñecer a partida que se iba destinar á remodelación do porto.
A resposta xa a sabemos…

Os concellos socialistas non xestionarán as listas de espera en dependencia, dado que a Xunta ten que dar a cara ante os seus incumprimentos

Alcaldes e voceiros socialistas de Políticas Sociais elaboran un manifesto no que denuncian o abandono da Xunta aos servizos sociais e o reparto partidista dos fondos destinados a dependencia
Os concellos socialistas non xestionarán as listas de espera de dependencia, ao considerar que é a Xunta a que ten que “dar a cara” ante os seus incumprimentos. Esta decisión foi recollida hoxe nun manifesto elaborado por alcaldes e voceiros de políticas sociais dos concellos galegos, despois de que a conselleira Beatriz Mato confirmase que os dependentes que están en trámite quedarán sen axudas.

A responsable de Políticas Sociais do PSdeG, Beatriz Sestayo, censurou as declaracións de Mato e sinalou que, a través deste manifesto, o socialismo galego “rexeita contundentemente este novo ataque do Goberno galego ás políticas sociais”. Do mesmo xeito, esixiu que a responsable de Benestar “rectifique” e ao Goberno galego que “modifique a súa postura de asfixia aos concellos galegos”.

Ante este novo ataque ás políticas sociais, os alcaldes e voceiros socialistas expresan neste manifesto a súa negativa a xestionar as listas de espera de dependencia “porque é a conselleira de Benestar a que lle está a negar o dereito a cobrar as axudas aos que están en tramitación. E se o Goberno galego é o que incumpre a lei, tamén debe ser o que de a cara ante os seus incumprimentos”.

Nesta liña, Sestayo denunciou que o Goberno de Feijóo se converteu “nun auténtico depredador das políticas sociais, co seu ataque aos dereitos cidadáns” e advertiu que os socialistas “non vamos a consentir a privatización dos servizos sociais e a reducción dos dereitos dos cidadáns”.

“Nos servizos públicos non hai criterios de mercado, como pretende o PP, senón de eficacia, servizo publico e máxima atención aos cidadáns”.

Avanzou que o PSdeG presentará emendas aos orzamentos en políticas sociais e que utilizará “os medios políticos e legais que sexan necesarios” para garantir o cumprimento da Lei da Dependencia.

Reparto dos fondos
“Esiximos cumprimento de todos os compromisos cos concellos, lealdade institucional e respecto á autonomía municipal, e que deixen de utilizar fondos destinados a dependencia con fins partidistas”, sinalou Sestayo.

Neste senso, a socialista esixiu unha explicación ao Goberno galego respecto aos criterios de reparto dos fondos da Lei da Dependencia. “Hai concellos gobernados polo PP que teñen un número reducido de dependentes que cobran moitos máis fondos que outros gobernados polo PSdeG co triple de dependentes”, denunciou.

“Os socialistas non descansaremos ata que as políticas sociais sexan unha realidade”, engadiu Sestayo, á vez que advertiu que “se a xunta retira os fondos da dependencia terá que dar a cara ante os cidadáns e levarémolo ante a xustiza se fai falta”.

MANIFESTO POLÍTICAS SOCIAIS

O PsdeG denuncia o cruel abandono das políticas sociais en Galicia por parte do goberno de Núñez Feijoo, un goberno depredador das políticas sociais, dos servizos públicos e da atención ás persoas.

Os e as socialistas queremos por de manifesto a necesidade de que Feijoo corrixa de inmediato as súas políticas sociais ou o Estado de Benestar corre serios riscos en Galicia.

O PsdeG esixe a inmediata rectificación do anuncio por parte da Conselleira Beatriz Mato ao afirmar que os dependentes en trámite quedarán sen axudas. Esta lamentable frase pon de manifesto a evidente intención do goberno Feijoo de abandonar a súa sorte as persoas dependentes así como de burlar unha Lei, a de Promoción da Autonomía Persoal e Atención ás Persoas Dependentes, na que nunca creeron. O PsdeG non o permitirá e utilizará todos os medios políticos e legais a su alcance .Ningún goberno está por riba do cumprimento da Lei.

Os socialistas esiximos que modifiquen as súas posturas de asfixia respecto aos concellos galegos, así como as continuas improvisacións, falsos anuncios, descoordinación e inexactitudes desenvolvidas polo goberno Feijoo e, sinaladamente pola Conselleira Mato, que están a causar unha permanente inseguridade sobre o marco no que se desenvolven políticas esenciais para a cidadanía e defendidas a ultranza polos socialistas como son as políticas sociais.

A asfixia do goberno popular aos concellos coloca nunha gravísima situación a políticas fundamentais para o benestar das persoas, especialmente as máis vulnerables.

Os concellos socialistas negánse a xestionar as listas de espera da Xunta en Dependencia.

O PsdeG esixe do goberno galego:

1.- Que ubiquen as políticas sociais como unha prioridade no mapa galego, e corrixan a súa deriva de abandono mantida ata a data.

2.-Que establezan líneas de respecto institucional cos concellos galegos a fin de garantir e non obstaculizar o importantísimo labor da política municipal no desenvolvemento dos servizos sociais á cidadanía e que se ven persistentemente boicoteados polo goberno Feijoo.

3.- Que se asegure a financiación aos Concellos para manter as prestacións derivadas da Lei de Dependencia e se facilite e recoñeza a labor municipal neste campo asegurando os medios materiais e humanos para que o cumprimento da Lei sexa posible.

4.- O PsdeG manifesta o seu rexeitamento ás políticas privatizadoras do goberno popular. Os servizos públicos que garanten dereitos fundamentais deben manterse fóra das regras do mercado, único parámetro, o do beneficio económico, que manexa o PP.

5.- Que se cumpla o compromiso da Conselleira Beatriz Mato, adquirido tras a petición de representantes das grandes cidades, de constituír un grupo de traballo permanente entre a Xunta de Galicia e as grandes cidades.

6.-Que se cumpla o compromiso de abono por adiantado do Plan Concertado que a conselleira Mato anunciara xa no 2009. A xestión do Plan Concertado é nefasta.

7.- Que se impulse a acción política en cuestións sociais como a pobreza, a exclusión , os menores, as drogodependencias, a inmigración, as vivendas sociais… cuestións sociais abandonadas inexorablemente polo executivo Feijoo.

8.-Que se cumplan os acordos acadados entre o goberno presidido por Emilio Pérez Touriño e os concellos en canto a infraestructuras sociais e xestión de programas.

9.-Que se respecte a autonomía municipal na toma de decisións da súa competencia asegurando a leal cooperación no canto do entorpecimento partidista.

"A Consellería de Educación é a máis antidemocrática en moitos anos"

Meijón denuncia que a Xunta non asume a creación do 50% restantes das novas unidades de infantil e primaria comprometidas
O portavoz de Ensino do Grupo Parlamentario dos Socialistas de Galicia, Guillermo Meijón interveu hoxe na Comisión 4º do Parlamento para interpelar ao Goberno sobre o incumprimento do acordo acadado pola Consellería de Educación cos sindicatos docentes o 10 de xullo de 2009, en relación co agrupamento do alumnado de diferentes niveis, cursos ou ciclos.

Meijon lembrou que o pasado 10 de xullo de 2009 a consellería de Educación acordou cos sindicatos os criterios de agrupamento. A consellería de Educación deu conta deste acordo como un importante éxito, que respondía a unha actuación do goberno de Feijoo para non crear agravios comparativos no rural. Pola súa banda os sindicatos rebaixaron este acordo e sinalaron que firmaron este documento para evitar peches masivos nas aulas de Galicia. E insistiu nas súas criticas “non era un preacordo”, como quere ver facer a Xunta agora “senón un acordo como quedou claro”.

O deputado socialista denuncia que dende o primeiro momento a Consellería de Educación tratou de evitar cumprir os acordos. E advertiu que de forma unilateral a Xunta anunciou que non pensaba cumprir coa segunda fase do acordo correspondente ao curso 2010-2011.

Así as cousas denuncia que a Xunta non asume a creación do 50% restantes das novas unidades de infantil e primaria comprometidas. Dixo que esta decisión so se pode cualificar como “un incumprimento do Goberno de Feijoo”.

Replica que a Consellería de Educación non esta convocando as mesas sectoriais e todo o que ten que ver coa participación da comunidade educativa. Dixo que a Consellería de Educación “é a mais antidemocrática en moitos anos”, espetou.

Meijon dixo que o anterior Goberno autonómico elaborou o catalogo de postos de traballo de Educación “que é o mellor que existe no Estado”. Advertiu que o PP esta utilizando este catalogo “perversamente, para limitar a presencia por exemplo de profesorado de pedagoxía terapéutica e de audición e de linguaxe”, xa que eliminan elementos precisos e necesarios na escola pública.
O deputado socialista afirma que o Conselleiro de Educación tivo que recoñecer a reducción de 300 profesores no curso 2010-11. Lembrou que hoxe mesmo en sede parlamentaria o Director Xeral negoulle información sobre numero de grupos e docentes de FP que se reduciran por culpa do seu recente decreto que incrementaba as ratios mínimas.

Acusou ao Goberno de Feijoo de despilfarrar en plena crise 12 millóns de euros en libros de texto, e de investir 10 millóns de euros en leasing e coches de altos cargos. Amais deixou sen executar cerca de 20 millóns de euros nos orzamentos de educación de 2009, adicou 1 millóns de euros a publicitar o Decreto do Galego, e gastará 1,2 millóns de euros en derribar o colexio CEIP Rivera Casas en Cervo, Lugo.

Sinala que a política de Núñez Feijoo caracterizase por ser regresiva, pola reducción de recursos, materiais humanos no sistema educativo publico, e que pretende desmantelar sempre a favor da privatización.

martes, 19 de octubre de 2010

Sestayo acusa a Mato de “sepultar” a lei da dependencia ao excluír das axudas aos solicitantes en trámite

Sestayo acusa a Mato de “sepultar” a lei da dependencia ao excluír das axudas aos solicitantes en trámite

Considera que a conselleira “recoñece a mentira das promesas de Feijóo” e esixe que explique “qué fará coas axudas do goberno para este colectivo”
Santiago de Compostela, 17 de outubro de 10. A portavoz de Xustiza e Políticas Sociais do Grupo Parlamentario dos Socialistas de Galicia, Beatriz Sestayo, acusou hoxe á conselleira de Traballo e Benestar de “sepultar” a Lei da Dependencia en Galicia ao anunciar nos medios que excluirá das axudas aos solicitantes en trámite. Sestayo presentará unha serie de iniciativas parlamentarias contra o incumprimento flagrante da Lei por parte do Goberno de Feijóo.

A parlamentaria socialista sinala que a conselleira “recoñece explicitamente” as mentiras da campaña electoral de Feijóo “cun novo punto do seu decálogo que se cae”, xa que “mentres anunciaba que en 3 meses pagaría a todos os dependentes, vemos cómo en dous anos da por enterrada a Dependencia en Galicia e temos que enfrontarnos ás mentiras, mentiras e máis mentiras do presidente da Xunta”.

Sestayo sinala que a conselleira “anuncia hoxe que mentres ofrece a financiación das axudas á dependencia de 37.000 persoas, outras tantas quedarán desatendidas arbitrariamente”, e que coa pasividade do seu goberno deixa aos concellos “solos na atención aos dereitos destas persoas”. Lamenta que, con esta medida, o Executivo de Feijóo “alinéase con Valencia e Madrid na vulneración permanente aos dereitos dos cidadáns e dos dependentes”.

Anuncia que “seguiremos traballando para impedir este ataque aos dereitos dos cidadáns” presentando unha Interpelación parlamentaria e diversas iniciativas e informando ao Goberno central “para que investigue qué fai a Xunta co diñeiro que concede á Xunta e que non destina aos dependentes”. Reclama que explique “ónde van os cartos concedidos polo Goberno central neste sentido”.

Sinala así que o reparto dos fondos que a Xunta percibe do Estado “non se axusta á realidade” porque “as contas non cadran” e dixo que “esperemos que non sirva para premiar aos gobernos do PP independentemente do número de dependentes e financien campañas electorais de xeito indirecto”.

lunes, 18 de octubre de 2010

O Gran Irmán vixía

O pasado xoves o secretario da Agrupación Socialista de Pontecesures, Roque Araújo, solicitou o expediente relativo al Obradoiro de Emprego "Pontecesures II". Un trámite absolutamente normal, a travé do cal, só pretendemos coñecer as inversións reais efectuadas, é coñecer porque é necesario inxectar cartos procedentes do remanente de tesorería deste ano, cando o proxecto foi aprobado en decembro do ano pasado, e revisado aos seis meses do seu comezo.
Creemos que na procura da tan cacareada transparencia na xestión, debiamos comprobar estas actuacións, e acudir, como suxireu o Sr. Sabariz, a solicitalo.
A nosa sorpresa é a publicación na prensa desta solicitude; queremos exercer o noso dereito a acceder a toda a información, ben como agrupación política ou ben como cidadáns anónimos, e non entendemos que este trámite, como outros que levan a cabo os veciños e vecinas de Pontecesures diariamente nas oficinas municipais, deban ser postos en coñecemento nos medios de comunicación.
Insistimos que o noso interese pasa exclusivamente por coñecer por qué o remanente de tesourería debe ser aplicado nun proxecto que desde fai tempo debería estar perfectamente planificado e orzamentado, e non se emprega noutras inversións necesarias para todo o pobo.
Por outra parte –non hai mal que por ben non veña–, a publicación desta nova permite dar a coñecer aos nosos veciños e veciñas o traballo que desde a Agrupación Socialista de Pontecesures facemos por observar o traballo do grupo de goberno municipal e opinar sobre o que non nos pareza axeitado para a nosa vila.

viernes, 15 de octubre de 2010

Meijón acusa á Xunta de dificultar o acceso aos comedores escolares dos estudantes de bacharelato

Sinala que o Executivo continúa coa “progresiva privatización” dos comedores para tentar impoñer en Galicia o modelo de Esperanza Aguirre

O portavoz de Educación do Grupo Parlamentario dos Socialistas de Galicia, Guillermo Meijón, acusou hoxe á Xunta de impedir o acceso aos comedores escolares dos estudantes de bacharelato e ensino non obrigatorio e os mestres. Meijón presentou no Pleno do Parlamento unha Interpelación contra a “progresiva privatización” deste servizo público anunciada por Feijóo.

O parlamentario socialista acusou á Xunta de dificultar o acceso aos comedores aos estudantes de bacharelato aos que a aplicación informática impide acceder aos listados, correndo o risco de quedar fora do amparo legal do marco normativo, como por exemplo o seguro de responsabilidade.

Denunciou que a Xunta impide acceso ao comedor dos alumnos de ensino secundario que non utilizan transporte escolar pero que contan con prazas vacantes suficientes para facer uso do mesmo. Advertiu así que o sentido da eficiencia do presidente da Xunta “vai acabar con bocadillos nas escolas”.

Criticou que teñan comezado tamén coa prohibición do uso destes comedores aos docentes, tal e como denunciaron os sindicatos educativos, que teñen recorrido as instrucións neste sentido emitidas pola Xunta en contra do Decreto vixente. Advertiu que estas actuacións e os anuncios do presidente da Xunta de minorar as partidas para o servizo de comedor escolar busca implantar en Galicia o modelo educativo de Esperanza Aguirre ou Francisco Camps.

Meijón rexeitou as denuncias reiteradas de buratos nas partidas de comedores escolares, xa que, explicou, o PP asumiu a xestión da Consellería 6 meses antes do peche do exercicio, con tempo suficiente para facer os axustes necesarios e remataron 2009 con máis de 20 millóns de euros por executar. Dixo que isto confirma que “o seu concepto de máis con menos supón gastar máis onde non fai falta e menos onde se necesita”.

Ademais, sinalou que as partidas orzamentarias “non faltan” porque “permitíronse luxos como a campaña dun millón de euros para publicitar a imposición lingüística, o pago das enquisas, o cambio de “galescolas” a “galiñas azuis”, o leasin ou renting de vehículos por dez millóns de euros, tiraron 12 millóns nos libros de texto en galego, 1,2 no derrubamento do Centro Ribera Casás de Cervo ou o cambio do IES de Celanova dende a súa ubicación actual.

O parlamentario socialista esixiu ao conselleiro que confirme os anuncios do presidente da Xunta de recortar os orzamentos de 2011 nas partidas de comedor escolar, e reclamou que explique si seguirán diminuíndo o número de comedores xestionados pola administración autonómica e si paralizarán a creación de novos comedores.

Meijón preguntou si retomarán o modelo de copago que ocasionou unha “desfeita” logo de incrementar o prezo nun 15 por cento e cambiar o modelo de pago “que causou un gran caos de funcionamento e só rectificaron ante as xustificadas protestas das nais e pais e dos equipos directivos”.

O PSdeG insta a Feijóo a "comprometerse coa honestidade" para excluír aos tránsfugas das listas electorais do PP

O Parlamento aproba unha iniciativa socialista contra o transfuguismo e declarar esta práctica e a quen se aproveita dela “incompatible coa práctica democrática”

O Pleno do Parlamento aprobou hoxe por unanimidade unha iniciativa socialista para erradicar o transfuguismo. A viceportavoz socialista Mar Barcón chamou a Feijóo a “comprometerse coa honestidade” para excluír aos tránsfugas das listas electorais e lembrou que logo de aprobar unha iniciativa semellante hai un ano promoveron a moción de censura de Folgoso do Caurel tamén apoiada nun tránsfuga.

Barcón dixo que a responsabilidade de que non haxa tránsfugas en Galicia, así como do incremento do paro e das listas de espera nesta Comunidade Autónoma, ou de non presentar alegacións ao decreto do carbón é do presidente da Xunta que é quen “debe defender a honestidade”.

Advertiu que o PP é o maior beneficiado das censuras apoiadas en tránsfugas mentres ratificou o compromiso dos socialistas galegos para non levar “miserables” nas listas electorais e non premiar “a indecencia”. Desafiou ao PP a “respaldar a decencia e honestidade ou a seguir buscando escusas para amparar aos tránsfugas cos que seguir sostendo a Deputación de Pontevedra e os intereses do líder do PP da provincia, Rafael Louzán”.

Lembrou que “todas e cada unha” destas operacións “beneficiaron ao PP” e “resulta innegable a participación directa dalgúns baróns provinciais do PPdeG, nomeadamente de Louzán”. Lembrou Trives, Abegondo, Silleda, Láncara, Mos e Gondomar e dixo que a consecuencia é que “cargos de confianza do PP se sentan sen escrúpulos en sillóns de alcaldías e amosan sen avergoñarse os froitos de operacións co obxectivo de manter a Deputación de Pontevedra”.

Reclamou o compromiso dos partidos políticos de non incluír tránsfugas declarados nas listas electorais dos partidos democráticos para “eliminar o transfuguismo como fórmula lexítima ou aceptada para chegar ao poder”. Reclamou o compromiso para poñer por diante dos intereses electorais a defensa da ética política, dos dereitos dos cidadáns e da lexitimidade democrática”.

Os socialistas presentaron así unha iniciativa para “manter Galicia limpa de tránsfugas e de construír unha política galega dende a honestidade, a transparencia e a dignidade” evitando “premiar, respaldar e darlle cobertura” a esta práctica política. Barcón reclamou o compromiso de Feijóo contra o transfuguismo en alusión ao teórico compromiso do presidente “coa legalidade, coa ética e coa eliminación do enchufismo e do caciquismo”.

Barcón reclamou a renovación do compromiso dos grupos parlamentarios en contra do transfuguismo e lembrou que logo de apoiar unha iniciativa semellante fai un ano para que “ao día seguinte, en Folgoso do Caurel, o PP actuaba na dirección oposta e asaltaba un goberno con maioría absoluta sustentado por un tránsfuga”.

Benidorm

Criticou a “desvergoña” do PP ao alegar “escusas” xustificando que Feijóo teña que esperar ao caso de Benidorm ou a unha modificación da Lei electoral que non presentan para impedir o transfuguismo mentres reclama ao mesmo tempo capacidade para elixir fármacos propios ou lexislar sobre o territorio galego.

Dixo que “o responsable do transfuguismo en Galicia non se atopa en Benidorm nin se chama Leire Pajín, senón que se chama Alberto Núñez Feijóo”, e sinalou que “si falan deste caso teremos que falar tamén de Zaplana, de Empuries, Castrourdiales, Denia e corenta localidades máis”.

Texto da iniciativa:

“O Parlamento galego insta á Xunta de Galicia a:

1- Elaborar unha lista de concelleiros e concelleiras declarados tránsfugas pola Mesa do Acordo Antitransfuguismo.
2- Elaborar, antes de dous meses, un informe sobre as posibilidades nas limitacións ás mocións de censura, por esixencia de distintos mecanismos, e remitilo a este Parlamento.
3- Evitar e supervisar que os tránsfugas non recollen as chamadas “plusvalías” de acordo co previsto no Acordo.
4- Rexeitar calquera vulneración do Pacto antitransfuguismo e declarar incompatible coa rexeneración e a práctica democrática o transfuguismo, e a aqueles que o sustentan ou del se aproveitan”.

miércoles, 6 de octubre de 2010

A ANPA do CPI Pontecesures traballa por un servizo de comedor

Nos últimos dias, os pais e nais dos nenos do CPI Pontecesures están a recibir unha enquisa da ANPA sobre o seu o interés en implantar o servizo de comedor no Centro.
Desde a Agrupación Socialista de Pontecesures felicitamos á directiva da ANPA por esta iniciativa, que trata e acadar para o centro escolar un servizo largamente ansiado por todos os pais e nais que tratan de conciliar a vida laboral e familiar.
Agardamos que o esforzo da ANPA acade o éxito que a comunidade escolar cesureña merece.