Os Socialistas de Pontecesures instan ao equipo de goberno municipal a reducir as retribucións de todos os membros da corporación nun 15%

A partires de xuño os soldos de tódolos funcionarios das distintas administracións van a ser revisados a baixa como unha das medidas de aforro para afrontala crise económica na que nos atopamos. Estes axustes serán proporcionais a categoría de cada funcionario.

Tendo en conta que moitas das administracións e institucións mais representativas do Estado van rebaixar tamén os salarios dos cargos públicos e representantes políticos como medida lóxica ante a situación actual, consideramos que o Concello de Pontecesures non debe ser unha excepción ás medidas que se están a tomar.

No concello de Pontecesures, ademais dos funcionarios, a alcaldesa Maribel Castro e o concelleiro Rafael Randulfe están a percibir salarios do erario municipal. É evidente que aplicar unha rebaixa aos funcionarios e non facelo con estes cargos electos é unha discriminación inadmisible.

Nestes momentos de dificultade económica na que nos atopamos, as forzas políticas deben predicar co exemplo; e para elo os socialistas de Pontecesures instamos a que se rebaixen as retribucións a todos os membros da corporación nun 15%.

Esta redución aplicaríase aos soldos da alcaldesa e do concelleiro Rafael Randulfe, e extenderíase tamén nas asignacións por asistencia a plenos, comisións, etc.

Esta medida, ademais de supoñer un aforro para as arcas municipais, traslada aos veciños a idea de que todos temos que poñer o noso grao de area para saír canto antes da situación económica na que nos atopamos.

Apelamos á responsabilidade de todos os grupos políticos que conforman á corporación municipal, para que respalden esta iniciativa e deste xeito enviar unha mensaxe clara aos veciños: superar a actual situación económica require do esforzo de todos.

O secretario de organización provincial visita aos socialistas cesureños

Luis Piña, secretario de organización provincial e deputado no Congreso, visitará hoxe a agrupación socialista cesureña. Tras percorrer a vila, manterá unha reunión con todos os afiliados e simaptizantes que se queiran acerca ao restaurante Casa Gómez a eso das 9 da noite.

Esta vista enmárcase dentro do programa que Luis Piña, como secretario de organización provincial, leva a cabo co obxecto de coñecer de preto cada unha das agrupacións.

O que se ve e o que non se quere deixar ver

O pasado día 9, o delegado da Xunta José Manuel Cores Tourís, visitou o noso concello co obxecto de ver as obras que a Consellería do Medio Rural está a levar a cabo. Supoñemos que para transmitir unha boa imaxe, os operarios do Concello, adecentaron a zonas polas que pasou tan ilustre visitante. Tal era o caso das inmediacións da agora polémica obra da Chancela, onde incluso cortaron a herba do pequeno parque infantil próximo. É lamentable que leven a cabo estas actuacións nese momento, xa que non creemos que o señor Tourís fora facer uso dos columpios, e non o fagan con máis asiduidade para o uso e disfrute dos nenos e nenas da vila.

Si o señor Tourís despra

Socialistas cesureños na Conferencia Política

O pasado venres 14 de maio celebrouse no Restaurante Casa Gómez a Asamblea Xeral Extraordinaria da Agrupación Socialista cesureña coa fin de determinar os compañeiros e compañeiras que nos representarán na Conferencia Política que terá lugar en Santiago de Compostela o próximo mes de xuño.
Os compañeiros e compañeiras elexidos foron: Roque Araújo, Concepción Gómez, José Manuel Rey e Pilar Villanustre. Agardamos que colaboren activamente nos traballos a realizar nesta nova etapa que se abre no socialismo galego.

Asamblea dos socialistas cesureños

O vindeiro venres 14 de maio, ás 20.30 horas do serán, terá lugar no Restaurante Casa Gómez unha asamblea Xeral Extraordinaria co obxecto de determinar os catro compañeiros e compañeiras que nos representarán na Conferencia Política do PSdeG-PSOE.

Dita conferencia que terá lugar no Pazo de Congresos e Exposicións de Santiago de Compostela os días 12 e 13 de xuño, marcará o rumbo do noso partido no futuro, porque é o lugar e o momento da reflexión política, do debate de ideas e das propostas. O momento de renovar e modernizar o proxecto, o discurso e o partido. Porque o PSdeG-PSOE nunha foi un partido inmovilista, sempre se caracterizou pola súa capacidade de evolucionar e adaptarse aos novos tempos e ás necesidades da cidadanía. E así o imos facer na Conferencia Política.

Xuntanza dos socialistas do Ulla-Umia

O pasado xoves 6 de maio, a vila de Pontecesures acolleu unha nova reunión da coordinadora comarcal socialista na que participaron representantes do partido de todos as agrupacións dos concellos integrados na comarca Ulla-Umia. Estes encontros, que de xeito rotatorio celébranse entre todos as agrupacións, teñen por obxecto fornecer as relacións entre os militantes e aproveitar as sinerxias coa posta en práctica de accións comúns.

Un dos puntos que se tratou foi a campaña de afiliación “+ mulleres” posta en marcha recentemente. Unha iniciativa que pretende potenciar a incorporación da muller ao partido, como oportunidade de empoderamento e participación da muller a todos os niveis. Esta medida chega precisamente cando o goberno galego tomou a decisión de suprimir o Servizo Galego de Igualdade, botando abaixo unha ferramenta moi útil para a loita pola igualdade entre homes e mulleres.

Por outra banda avanzáronse os contidos da Conferencia Política que terá lugar os próximos días 12 e 13 de xuño en Santiago de Compostela. Animouse a todas as agrupacións a que colaboren na redacción definitiva deste texto, que sen dúbida, marcará o futuro do partido.

Tamén se tratou polo miúdo as iniciativas parlamentarias nas que se está a traballar da comarca: Porto de Pontecesures, concentración parcelaria de Cuntis, falta de transparencia no proceso da estrada Caldas de Reis-Moraña, Parque de Bombeiros comarcal, Plan Renove para o sector da madeira na Estrada…

Ademais destacouse o traballo das Xuventudes Socialistas, verdadeiro motor do partido. Neste ámbito, programouse unha próxima xuntanza dos membros das XX.SS. da comarca Ulla-Umia.

Finalmente, fíxose un repaso da situación política a todos os niveis e establecéronse medidas de comunicación entre as diferentes agrupación e destas cos cargos orgánicos e institucionais do Partido.

Xuntanza da coordinadora comarcal socialista en Pontecesures

As 20.30 horas desta noite está previsto que comence a reunión da coordinadora socialista da comarca Ulla-Umia. Terá lugar no Restaurante Casa Gómez, e está prevista a asistencia do deputado e Secretario de Organización provincial do PSdeG-PSOE, Luis Piña, da deputada autonómica Carmen Cajide e por suposto, os/as reprsentantes das diferentes agrupacións socialistas da comarca.

Así está o pobo, así está o goberno municipal

Dando unha volta polas rúas do pobo, en concreto, polas que foron recentemente arregladas, observamos moitas deficiencias, a gran parte delas facilmente subsanables no seu momento. O desinterés e a falta de coordinación provocan estas situacións: bordillos rebaixados nunha beirarrúa e na de enfrente non, pasos de peóns que non se corresponden cos rebaixes, etc.

En certo modo, esta podía ser unha metáfora do goberno municipal: non se entenden, cada un vai polo seu lado, non hai comunicación nin coordinación e tratan de satisfacer os seus interes particulares, sin atender o benestar do conxunto da vila.

Onde están as papeleiras?

Podemos camiñar centos de metros polas novas beirarrúas de Pontecesures, arregladas cos fondos do Plan E, e non atopar nin unha papeleira. É moi triste pasear por unhas rúas recentemente arranxadas, é non ter cerca unha soa papeleira, contribuindo a que o pobo siga dando unha imaxe de abnadono.

Para o PP vale todo

O pasado luns 3 de marzo, o presidente do PP pontevedrés e Presidente da Deputación tivo unha xuntanza con seis acólitos cesureños. O acto tivo lugar no Centro Social, as oito e media da tarde, e non tiveron reparos en desprazar, sin previo aviso, aos nenos da ANPA que alí celebran a súa actividade de teatro, aos baixos do Concello. Dita actividade remata ás sete da tarde; daquela, os peperos cesureños tiñan tempo dabondo para organizar o seu acto. Pero é igual: para o PP vale todo.

Por outra banda, gustaríanos saber si para a utilización do local social, solicitaronno como nos, ou calquera outra asociación ou colectivo debe facer, a través dunha instancia entregada no Concello en tempo e modo axeitados… Permitide que o dubidemos.