Os socialistas de Pontecesures trasladaron ao seu Grupo
Parlamentario no Parlamento de Galicia, as enmendas parciais aos orzamentos da
Xunta para o ano 2014 no que atinxe ao Concello de Pontecesures e nas áreas que
le son propias dentro do equipo de goberno municipal, a fin de que estas
demandas sexan incluidas no proxecto definitivo do orzamento da Xunta de
Galicia para o vindeiro ano.
Os socialistas cesureños consideran que os orzamentos da Xunta
non recollen a financiación dunha serie de infraestructuras imprescindibles
para o desenvolvemento do Concello de Pontecesures en materia deportiva.
As enmendas parciais presentadas no que respecta ao Concello de Pontecesures
polo Grupo Parlamentario Socialista son:
Mellora da contorna do campo fútbol
municipal Ramón Diéguez. Pídese o formigonado dun lateral do campo, e deste
xeito mellorar o acceso á grada e o mantemento do campo de herba artificial.
Mellora do polideportivo municipal.
Entre as actuacións requeridas inclúense a sustitución das baixantes e a
instalación de novas fiestras.
Sustitución da cuberta do ximnasio
do CPI Pontecesures. Neste aspecto, lembrar o compromiso do Xefe Territorial de
Educación para levar a cabo esta obra no ano 2014.
Recuperación da Área deportiva do
porto de Pontecesures.
No hay comentarios:
Publicar un comentario
Se non es usuario Google, elixe "anónimo"