jueves, 20 de septiembre de 2012
Medidas anunciadas por Pachi Vázquez
É o momento de reescribir a Galicia do crecemento. Preséntome para presidir un goberno de progreso cunha maioría clara. Fronte á Galicia do sufrimento e da resignación, propóñovos formar parte da Galicia do crecemento e do futuro”.
Pachi Vázquez, candidato do PSdeG-PSOE á Presidencia da Xunta de Galicia.O candidato do PSdeG-PSOE á Presidencia da Xunta de Galicia, Pachi Vázquez,anunciou esta mañá nun almorzo con empresarios en Santiago algunhas das medidasque adoptará tras o 21 de outubro no eido da economía:
Aprobaremos unha reforma fiscal que asegure que en Galicia paga máis quen máis ten e devolve máis ao país quen máis recibe do país.
Poñer en marcha durante os 100 primeiros días de goberno a introdución de novos tramos no IRPF que graven con máis xustiza ás rendas máis altas.
Crear un novo imposto sobre a banca, gravando os depósitos bancarios segundo o seu uso e rendibilidade e coa prohibición legal de transferir o custe do imposto aos clientes.
Manter o imposto de patrimonio e recuperar e reformar un novo imposto de sucesións que grave máis a quen máis ten.
Pór en marcha a creación de novas figuras impositivas para gravar os custes medioambientais das grandes áreas comerciais.
Esta nova fiscalidade permitirá xerar uns ingresos de 300 millóns de euros adicionais que se adicarán á creación de 50.000 empregos para colectivos como as mozas e mozos, os parados de longa duración e as mulleres.
25.000 mozos e mozas poderán acceder ao longo da lexislatura a unha beca/contrato de formación de 500 € mensuais durante un ano para incorporarse ao tecido produtivo.
Establecerase un programa mixto de emprego e formación para contratar a 15.000 parados/as de longa duración na lexislatura.
Retomaremos o Programa Muller, con accións de información, orientación e formación para o emprego, garantindo non menos da contratación de 10.000 mulleres.
Acometeremos unha reforma integral do IGAPE, transformándoo nunha axencia de crédito público que facilite préstamos directos e instantáneos a pemes e emprendedores en condicións ventaxosas.
Suscribirse a:
Enviar comentarios (Atom)
No hay comentarios:
Publicar un comentario
Se non es usuario Google, elixe "anónimo"